Blogs

एक मित्र एका नवीन जाहिरात प्रकाराबद्दल सांगत होता. अरे अमुक तमुक प्रकारे जाहिरात केली म्हणजे नक्की ग्राहक मिळतात. मी म्हटलं "कशावरून" . तो बुचकळ्यात पडला. "कशावरून म्हणजे? इतके लोक तिथे जाहिरात करत असतात आणि माझ्या मित्रानेही तशी जाहिरात केली आणि त्यालाही खूप ग्राहक मिळाले. "

मी त्याला म्हटलं " ते सगळं बरोबर आहे आणि तो जगातला सगळ्यात चांगला जाहिरात प्रकार असेल आणि अनेक लोकांना त्याचा फायदाही झाला असेल. पण तुझे ग्राहक , त्या जाहिरात प्रकारामूळे, तू जे विकतो आहेस ते घेणार आहेत का? तुम्हाला आमच्याबद्दल कसं कळालं हा फार महत्वाचा प्रश्न तू ग्राहकांना विचारतोस का? "

प्रत्येक जाहिरातीखाली आता फेसबुकावर आवडल्याची ( Facebook Like) सोय केली आहे. त्यामुळे तुमची जाहिरात जास्त लोकांपर्यंत पोहोचेल.

तुमची जाहिरात प्रकाशित झाल्यावर लगेच या सोयीचा फायदा घेऊन तुम्ही जास्त लोकांपर्यंत ती जाण्यासाठी सुरुवात करू शकता.

प्रत्येक जाहिरात किती वेळा पाहिली गेली हे पाहण्याची सोय प्रत्येक जाहिरातीच्या खाली अगोदरपासून दिली आहे ( How many reads)

एखादी छोटी जाहिरात तुमचे लक्ष का वेधून घेते? शीर्षकामुळे. जेंव्हा छापील जाहिरातींबद्दल लिहले जाते तेंव्हा शीर्षक सगळ्यात महत्वाचे मानले जाते. कारण आधी मोठ्या टायपातल्या शीर्षकाने लक्ष वेधून घेतले तर बाकीची जाहीरात वाचली जाणार.

मग आपल्या लेखमालेची सुरुवात आपण क्रमांक १ : शीर्षक अशी का नाही केली??
कारण ऑनलाईन शीर्षक महत्वाचे असले तरी त्याचे स्थान मजकुरानंतरचे आहे. ऑनलाईन छोट्या जाहिराती दोन प्रकारे पाहिल्या जातात.

नुकतेच या जाहिराती विभागाचे नवीन जागेत स्थलांतर झाले आहे. इथली सगळ्यात महत्वाची सुविधा म्हणजे, तुम्हाला जाहिराती विभागासाठी वेगळा आयडी घेण्याची गरज नाही. मायबोलीचाच आयडी/पासवर्ड इथे चालेल. इतकेच नाही तर तुम्ही मायबोलीच्या इतर विभागात आधीच प्रवेश केला असेल तर (उदा. मुख्य मायबोली, कानोकानी, मायबोली विशेष) तर इथे आपोआप प्रवेश मिळेल.

जर तुमच्या कडे फक्त जाहिराती विभागाचा पूर्वीचा आयडी असेल तर तो आता इथे चालणार नाही. जुन्या आणि नविन सॉफ्टवेअरमधे काही मूलभूत बदल असल्याने तुमच्या जुन्या आयडीचे आपोआप स्थलांतर करू शकलो नाही याबद्दल दिलगीर आहोत.